Sveindís Jane með landsliðinu til Finnlands

Sveindís Jane Jónsdóttir úr Keflavík hefur verið valin í hóp u17 ára liðs Íslands í knattspyrnu. Sveindís, sem er miðjumaður er fædd árið 2001 og þykir mikið efni. Hún hefur leikið nokkra leiki með meistaraflokki og hefur verið á skotskónum í nokkrum leikjum á undirbúningstímabilinu. Lið Íslands er á leið á mót í Finnlandi á vegum UEFA í byrjun maí.