Suðurnesjatröllið út í veður og vind!

Úrslitum í keppninni Suðurnesjatröllið 2002 verður frestað vegna veðurs. Úrslitin áttu að ráðast í Grindavík í dag en verða í staðinn á mánudagskvöld klukkan 18. Meðal keppnisgreina eru lóðakast yfir rá, bændaganga og krossfestulyfta.Klukkan tíu í morgun voru komnir 17 metrar á sekúndu af aust-suð-austri og rigning í Grindavík. Gert er ráð fyrir slæmu veðri í dag, en það er ekki skollið á í Keflavík þegar þetta er skrifað.