Suðurnesjamót í kvennaknattspyrnu

Reynir Sandgerði hélt Suðurnesjamót í knattspyrnu innanhúss fyrir 5. flokk kvenna um síðustu helgi. þátttakendur voru á aldrinum 5-11 ára frá fimm félögum; Víði, Reyni, Bessastaðahreppi, Grindavík og Keflavík. Mótið gekk vel fyrir sig og gaman var að sjá baráttuna og leikgleðina hjá svo ungum stúlkum. Hvert lið lék sjö leiki og höfðu Grindavíkurstúlkur yfirburðasigur á mótinu. A-lið Reynis varð í öðru sæti, en þriðja til fjórða sætinu deildu Keflavík og b-lið Víðis. Allar voru stúlkurnar leystar út með bronsverðlaunum, en að auki hlaut Grindavík bikar og gullverðlaun að launum fyrir sigurinn. Athygli vakti hve margar stúlkur tóku þátt í mótinu frá Reyni og Víði, en Reynir var með a- og b-lið og Víðir var með a-,b- og c-lið . Mikill knattspyrnuáhugi er í þessum félögum og ljóst að þar er vel staðið að uppbyggingu kvennaknattspyrnu, enda gott framtak hjá Reynismönnum að halda slíkt mót fyrir stúlkurnar.