Suðurnesjamenn keppa í 3ja stiga- og troðslukeppni

Búið er að velja keppendur í 3ja stiga keppni karla og kvenna og troðslukeppni Stjörnuleiks KKÍ sem fer fram á laugardaginn.

Í 3ja stiga keppni kvenna eru 4 af 9 keppendum frá Suðurnesjum. Þ. e. Anna María Sveinsdóttir og Birna Valgarðsdóttir úr Keflavík og Grindvíkingarnir Erla Reynisdóttir og Sólveig Gunnlaugsdóttir.

Hjá körlunum eru 3 Suðurnesjamenn, Matt Sayman, Páll Axel Vilbergsson og Magnús Gunnarsson.

Í troðslukeppninni er einungis einn af Suðurnesjum en það er Keflvíkingurinn Nick Bradford.

Leikirnir fara fram á laugardag, eins og fyrr sagði en kvennaleikurinn hefst kl. 14 og karlaleikurinn kl. 16. Verða báðir leikirnir sendir út beint á RÚV.