Suðurnesjamenn í lykilhlutverki U20 liðs íslands

Grindvíkingurinn Jón Axel Guðmundsson og Njarðvíkingurinn Kristinn Pálsson fóru fyrir U20 liði Íslands í körfubolta, sem vann frækinn sigur á Pólverjum í gær. Með sigrinum komust Íslendingar í átta liða úrslit þar sem þeir mæta Georgíu.

Jón Axel var atkvæðamestur í liðinu með 16 stig, 6 stoðsendingar og 6 fráköst. Kristinn bætti við 10 fráköstum og skoraði 8 stig í 62-60 sigri okkar manna.