Suðurnesjaliðin komin í undanúrslit

Suðurnesjaliðin eru komin í undanúrslit í kvennafótboltanum eftir glæsta sigra í gær.
Grindvíkingar unnu þá 4-0 sigur á Víkingum Ó. á heimavelli sínum en fyrri leik liðanna lauk einnig með 0-4 sigri Grindvíkinga. Lauren Brennan skoraði tvö mörk og þær Marjani Hing-Glover og Helga Guðrún Kristinsdóttir skoruðu sitt markið hvor.

Ungstirnið Sveindís Jane Jónsdóttir skoraði tvö mörk þegar Keflvíkingar slógu út Tindastólskonur í 8-liða úrslitum með 0-3 sigri á Króknum. Fyrri leik liðanna lauk með 3-2 sigri Keflvíkinga. Amber Pennybaker skoraði síðasta mark leiksins úr vítaspyrnu.

Keflvíkingar fá Hauka í heimsókn á laugardag meðan Grindvíkingar mæta ÍR í undanúrslitum á sunnudag um sæti í efstu deild.