Suðurnesjaliðin gera það gott í knattspyrnunni

- Farið að síga á seinni hluta fótboltasumarsins

Knattspyrnuliðin á Suðurnesjum eru flest öll að gera það gott í deildum sínum þetta sumarið. Nú er farið að síga á seinni hluta mótanna og úrslit fara senn að ráðast.

Grindvíkingar eru í mikilli baráttu um Evrópusæti í Pepsi-deildinni og munu að öllum líkindum eiga markahæsta leikmann Pepsi-deildarinnar, Andra Rúnar Bjarnason, sem hefur farið á kostum með Grindvíkingum í sumar og skorað hvert glæsimarkið á fætur öðru.
Keflvíkingar eru í efsta sæti Inkasso deildarinnar en Fylkir fylgir fast á hæla þeirra í öðru sætinu og því verður spennandi að fylgjast með síðustu leikjunum. Í annarri deildinni verma Njarðvíkingar 1. sætið og eru sem stendur með þriggja stiga forskot á næsta lið en þar á eftir í þriðja sætinu koma Víðismenn sem eru aðeins fjórum stigum á eftir Njarðvíkingum. Þróttarar frá Vogum eru í öðru sæti þriðju deildar og hafa þeir unnið þrjá leiki í röð og eru greinilega á blússandi siglingu.
Reynismenn hafa verið í töluverðu basli í sumar í þriðju deildinni og eru í fallbaráttu. Þess má einnig geta að lið Grindavíkur GG sló stigamet sitt í fjórðu deildinni þar sem þeir enduðu í þriðja neðsta sætinu með sautján stig.
Grindavíkurstúlkur eru sem stendur í sjöunda sæti Pepsi-deildar kvenna og gerðu meðal annars jafntefli við Íslandsmeistara Stjörnunnar núna í ágúst.
Keflavíkurstúlkur eru í fjórða sæti fyrstu deildar kvenna og eru þremur stigum fyrir ofan næsta lið.

Hér má svo sjá næstu leiki Suðurnesjaliðanna: