Strákarnir í 8.flokki í Keflavík að gera góða hluti

Strákarnir í 8. fl. í Keflavík í körfubolta voru að spila um helgina í KR-húsinu þar sem fram fór 3.umferð Íslandsmótsins (a-riðill). Þeir stóðu sig hreint frábærlega vel, unnu alla sína leiki og þar af leiðandi mótið.
Úrslit leikja voru þessi :
Keflavík - UMFN     72-23
Keflavík - Fjölnir     53-52  ( eftir að hafa komnir í 40-15 )
Keflavík - KR          57-48
Keflavík - KFÍ         67-64   ( eftir 2. framlengingar )

Strákarnir voru allir að standa sig vel eins og áður sagði, en þó verður að nefna sérstaklega Pál Kristinsson sem setti upp þriggja stiga sýningu í leiknum við KR sem hver einasti NBA leikmaður hefði verið stoltur af.
Hópurinn hefur tekið stórstígum framförum í vetur undir öruggri stjórn Einars Einarssonar og var gaman að sjá um helgina að strákarnir eru að spila á mikið meiri hraða heldur en hin liðin auk þess sem unun er að sjá hvað leikkerfin eru farin að rúlla vel hjá þeim. Framundan eru nú strangar æfingar, en um helgina 6.-7. apríl verður úrslitaumferðin leikin.