Stóru-Vogaskóli í fyrsta sinn í úrslit Skólahreysti

Keppnislið Stóru-Vogaskóla í Skólahreysti er í fyrsta sinn komið í úrslit keppninnar vinsælu þar sem grunnskólar landsins etja kappi í hinum ýmsu íþróttagreinum. Liðið var stigahæst liða sem höfnuðu í öðru sæti í sínum riðli, með 43,5 stig og hefur því öðlast keppnisrétt í úrslitum.

Holtaskóli bar sigur úr bítum í riðli Reykjaness og Hafnarfjarðar og hefur því þegar tryggt sér keppnisrétt í úrslitum. Tólf skólar munu mætast í úrslitum sem fram fara þann 20. apríl og verða í beinni úrsendingu á RÚV.