Stórsigur Njarðvíkinga
Njarðvíkingar unnu stórsigur á þór frá Akureyri í Iceland Express deild karla í gær, 69-111.
Njarðvíkingar, sem léku á útivelli, tóku stjórnina allt frá upphafi þeir skoruðu 10 fyrstu stigin og héldu öruggri forystu allt til loka. Staðan í hálfleik var 45-30, en í upphafi seinni hálfleiks gerðu Njarðvíkingar endanlega út um leikinn. Þórsarar urðu þá fyrir því áfalli að missa tvo af sterkustu mönnum ínum í meiðsli, en þeir Óðinn Ásgeirsson og Mario Myles gátu ekki lokið leiknum og verður Óðinn m.a. frá út tímabilið.
Þeir eru því efstir í deildinni með 4 sigra úr jafnmörgum leikjum, en leikurinn í gær var einn sá besti frá þeim í langan tíma. Skyttur Njarðvíkinga voru að standa sig sérlega vel en þeir hittu úr 18 af 36 þriggja stiga skotum, þar af var Kristján Sigurðsson með 5 úr jafnmörgum tilraunum.
Þrátt fyrir að vel hafi gengið í leiknum reynist heimferðin þeim torsótt en Víkurfréttir heyrðu í Einari Árna, þjálfara, þar sem þeir biðu af sér veðurofsa á Norðurlandi. Hann sagðist afar sáttur við leik sinna manna. „Það voru allir að spila vel hjá okkur í gær og í raun var sigurinn aldrei í hættu. Við spiluðum góða vörn á þá og svo vorum við líka að hitta vel í sókninni sama hvað þeir reyndu. Þessi leikur var gott skref fram á við hjá okkur því að þó við höfum verið að vinna leiki höfum við ekki verið að leika nógu sannfærandi. Nú var leikgleðin hins vegar í fyrirrúmi og allir lögðu sitt af mörkum.“
Njarðvíkingar, sem léku á útivelli, tóku stjórnina allt frá upphafi þeir skoruðu 10 fyrstu stigin og héldu öruggri forystu allt til loka. Staðan í hálfleik var 45-30, en í upphafi seinni hálfleiks gerðu Njarðvíkingar endanlega út um leikinn. Þórsarar urðu þá fyrir því áfalli að missa tvo af sterkustu mönnum ínum í meiðsli, en þeir Óðinn Ásgeirsson og Mario Myles gátu ekki lokið leiknum og verður Óðinn m.a. frá út tímabilið.
Þeir eru því efstir í deildinni með 4 sigra úr jafnmörgum leikjum, en leikurinn í gær var einn sá besti frá þeim í langan tíma. Skyttur Njarðvíkinga voru að standa sig sérlega vel en þeir hittu úr 18 af 36 þriggja stiga skotum, þar af var Kristján Sigurðsson með 5 úr jafnmörgum tilraunum.
Þrátt fyrir að vel hafi gengið í leiknum reynist heimferðin þeim torsótt en Víkurfréttir heyrðu í Einari Árna, þjálfara, þar sem þeir biðu af sér veðurofsa á Norðurlandi. Hann sagðist afar sáttur við leik sinna manna. „Það voru allir að spila vel hjá okkur í gær og í raun var sigurinn aldrei í hættu. Við spiluðum góða vörn á þá og svo vorum við líka að hitta vel í sókninni sama hvað þeir reyndu. Þessi leikur var gott skref fram á við hjá okkur því að þó við höfum verið að vinna leiki höfum við ekki verið að leika nógu sannfærandi. Nú var leikgleðin hins vegar í fyrirrúmi og allir lögðu sitt af mörkum.“
