Stórsigur á Blikum

Keflavík vann sannfærandi stórsigur á Breiðabliki, 58-98, í Iceland Express-deild kvenna í gærkvöldi.

Keflvíkingar höfðu mikla yfirburði allan leikinn og bættu sífellt við forskotið. Þær eru sem stendur í 3. sæti deildarinnar.

María Ben Erlingsdóttir fór hamförum í leiknum og skoraði 32 stg, tók 11 fráköst og varði 5 skot. LaKiste Barkus kom henni næst með 18 stig og einnig átti Margrét Kara Sturludóttir frábæra innkomu, en hún skoraði 11 stig, tók 10 fráköst og stal 2 boltum á þeim 18 mínútum sem hún spilaði.

Megan Hoffmann og Erica Anderson voru allt í öllu hjá Blikum, sem eru í næst-neðsta sæti.