Stórleikur í Njarðvík í kvöld
Ekki er ofsögum sagt að stórleikur verði í kvöld í Ljónagryfjunni þegar Njarðvík tekur á móti KR í 32 liða úrslitum Subwaybikars karla. Þarna mætast tvö af sterkustu liðum deildarinnar og verður því án efa um hörku viðureign að ræða. Leikurinn hefst kl. 19:15.
Njarðvík hefur unnið alla sína leiki í fyrstu fimm umferðunum en KR hefur tapað einum. Sá leikur tapaðist einmitt gegn Njarðvík þegar liðin áttust við fyrir nokkrum dögum. Lokatölur í þeim leik urðu 76-68 fyrir Njarðvík. Svo er það stóra spurningin hvað gerist í kvöld.
--
Mynd/www.karfan.is
