Stórleikur í körfunni á morgun

Það verður sannkallaður stórleikur í Intersport-deild karla í körfuknattleik á morgun þegar nágrannastórveldin, Keflavík og Njarðvík, mætast á heimavelli Keflvíkinga að Sunnubraut í 12. umferð. Leikurinn byrjar kl. 19:15 og má búast við að Suðurnesjamenn fjölmenni á leikinn enda er það vaninn þegar þessi lið mætast.Í kvöld taka Grindvíkingar á móti Val og má fastlega gera ráð fyrir því að heimamenn fari með sigur af hólmi í þeim leik og komi sér í toppsætið á ný.