Stoðsendingar Arnórs vendipunktar í sigri New England Revolution

Þótt Arnór Ingvi Traustason hafi ekki náð að setja mark sjálfur í leik helgarinnar milli New England Revolution og New York Red Bulls voru það stoðsendingar hans sem urðu vendipunktar leiksins. New England Revolution lenti snemma undir snemma en eftir gott framlag Arnórs jafnaði New England leikinn, komst yfir og landaði að lokum mikilvægum 3:1 sigri.

Arnór hlýtur lof þjálfara síns og meðspilara fyrir vel útfærðar stoðsendingar sem komu liði hans í kjöraðstöðu í leiknum gegn New York Red Bulls. Bruce Arena, yfirþjálfari New England Revolution, segir um Arnór á heimasíðu félagsins: „Hann er snjall leikmaður og hann fékk kannski tvö tækifæri til að skora en það gekk ekki eftir – en hann er góður og snjall leikmaður. Þannig leikmenn eru ávallt mikilvægir hverju liði.“ Arena líkir Arnóri við liðsfélaga sína Tommy McNamara og Matt Polster – og þeir séu liðinu ómetanlegir. „Þeir eru leikmenn sem virkja allt byrjunarliðið og gera leik þess skilvirkari. Við erum mjög ánægðir með leik Arnórs.“

Sjálfur segir Arnór að þetta hafi verið tvö mikilvæg atvik: „Sérstaklega mark Tajon's rétt fyrir hálfleik sem kom okkur í 2:1 forystu. Það gaf okkur tækifæri til að núllstilla okkur og klára seinni hálfleikinn.“

New England Revolution er á toppi austurriðils MLS-deildarinnar í Bandaríkjunum með fjórtán stig eftir sjö umferðir. Þeir hafa unnið fjóra leiki, gert tvö jafntefli og tapað einum. 

Arnór Ingvi gekk til liðs við New England Revolution í mars á þessu ári eftir að hafa leikið með Malmö í Svíþjóð frá árinu 2018. Hann hefur því aðeins verið í fimm vikur og leikið sex leiki með félaginu en er að falla vel inn í leik liðsins og áhrif hans eiga bara eftir að vaxa og efla leik liðsins, segir á vefsíðu New England Revolution.

Hér að neðan er tengill á frétt New England Revolution og þar má sjá myndskeið með tveimur fyrstu mörkum liðsins.