Stigið lyfti Grindvíkingum af fallsvæðinu

Fram og Grindavík skildu jöfn í miklum fallslag á Laugardalsvelli í kvöld, 1:1, í 10. umferð Pepsideildar karla í knattspyrnu. Fram er því með 3 stig á botni deildarinnar en Grindavík er aðeins ofar með 8 stig.

Robbie Winters skoraði mark Grindvíkinga í kvöld þegar rúmar 20 mínútur voru eftir af leiknum en Framarar komust yfir eftir aðeins stundarfjórðung. Eftir leikinn eru Grindvíkingar komnir af fallsvæðinu og sitja í 9. sæti.