Steven Gerrard er fyrirmyndin

Fótboltasnillingur vikunnar er Garðbúinn Tómas Freyr Jónsson. Tómas er 12 ára og spilar með 5. flokki Reynis/Víðis. Tómas stefnir á að komast sem lengst í boltanum en atvinnumennskan heillar sérstaklega. Liverpool er hans lið á Englandi og Steven Gerrard er fyrirmyndin í boltanum.

Hvað hefur þú æft fótbolta lengi? 8 ár.

Hvaða stöðu spilar þú? Ég er miðjumaður.

Hvert er markmið þitt í fótbolta? Komast eins langt og ég get. Vonandi verða atvinnumaður.

Hversu oft æfir þú á viku? Fimm sinnum í viku.

Hver er þinn eftirlætis fótboltamaður/kona? Lionel Messi hjá Barcelona.

Áttu þér einhverja fyrirmynd í boltanum? Steven Gerrard er fyrirmyndin.

Hefurðu farið á fótboltaleik erlendis? Já. Liverpool - QPR á Anfield á síðustu leiktíð.

Hversu oft getur þú haldið á lofti? 34 sinnum.

Hvaða erlenda félag heldur þú upp á? Liverpool.