Steinar Örn Ingimundarson ráðinn þjálfari kvennaliðs Keflavíkur

Steinar Örn Ingimundarson hefur verið ráðinn þjálfari kvennaliðs Keflavíkur og er ráðning hans til eins árs. Skrifað var undir samninginn í K-húsinu í gærkvöldi. Steinar var síðast þjálfari hjá Víði í Garði og var hjá þeim sl. þrjú ár.

Keflavík mun spila í 1.deildinni næsta tímabil og er mikill og góður hugur hjá leikmönnum, þjálfara og stjórn að koma liðinu aftur í efstu deild. Steinar mun hefja æfingar strax í næstu viku.

Ljósmynd: Jón Örvar Arason