Stefán Ljubicic skoraði tvö mörk í sigri U19 gegn Wales

Keflvíkingurinn Stefán Alexander Ljubicic skoraði tvö mörk í 0-4 sigri U19 ára landsliðs Íslands á Wales í vináttuleik ytra sl. laugardag. Stefán sem lék í stöðu framherja skoraði tvö fyrstu mörk Íslands í leiknum.
Liðin léku aftur í dag og Ísland vann aftur en núna með einu marki gegn engu. Stefán lék í stöðu framherja eins og í fyrri leiknum.
Stefán, sem er 18 ára er á mála hjá Brighton & Hove Albion í Englandi og fór til liðsins í fyrra. Annar Keflvíkingur er í U19 hópnum en það er Ísak Óli Ólafsson. Hann er bróðir Sindra Ólafssonar markvarðar Pepsi-deildarliðs Keflavíkur og U21 landsliðsins.

Ísak Óli í landsliðsbúningnum. Að neðan er Stefán í góðum gír ytra.