Stefán Gísla farinn til Bröndby

Knattspyrnukappinn Stefán Gíslason, sem lék með Keflavík um nokkurra ára skeið, hefur verið seldur frá Lyn í Noregi til danska stórliðsins Bröndby. Kaupverðið er talið nema um 100 milljónum króna.

Stefán vakti mikla athygli fyrir frammistöðu sína með Lyn og var fullyrt að mörg félög væru með hann í sigtinu. Eftir nokkuð langt ferli er hann hins vegar búinn að semja við Bröndby til fimm ára og hefur æfingar hjá liðinu eftir helgi.