Stærsti leikur Voga Þróttar í sögu félagsins
Vogamenn biðla til Suðurnesjamanna
Þróttarar eiga stórleik fyrir höndum á miðvikudaginn kemur, þegar þeir taka á móti ÍH í hreinum úrslitaleik um það hvort liðið fer upp í 3. deild karla í knattspyrnu.
Fyrri leik liðanna lauk með 2-2 jafntefli. Eins og gefur að skilja skiptir stuðningur áhorfenda öllu máli. Leikmenn meistaraflokks Þróttar úr Vogum biðja alla Þróttara, Vogabúa og Suðurnesjamenn að mæta á morgun kl.17:00 á Vogabæjarvöll og búa til þá stemningu sem þarf til að koma liðinu upp um deild, segir í tilkynningu frá félaginu.
