SpKef styrkir Knattspyrnudeild UMFN
Sparisjóðurinn í Keflavík og Knattspyrnudeild Ungmennafélags Njarðvíkur skrifuðu á dögunum undir samstarfssamning til tveggja ára. Sparisjóðurinn hefur verið aðalstyrktaraðili meistaraflokks karla undanfarin 6 ár og nú var ákveðið að styrkja alla aldursflokka hjá UMFN.
Samningurinn nær því til keppnisliða UMFN í meistaraflokki og öllum yngri flokkunum. Þannig nýtist styrkurinn vel til alls starfs knattspyrnudeildarinnar. Allir flokkar deildarinnar bera nú merki SpKef á keppnisbúningum sínum.
Á myndinni sjást Baldur Guðmundsson og Ásdís Ýr Jakobsdóttir frá Sparisjóðnum og Leifur Gunnlaugsson og Andrés Ottóson frá UMFN við undirritun samningsins með strákana úr 4 flokki sér til stuðnings.
VF-mynd/ [email protected]
