Spennandi tímar framundan hjá Arnóri Tristan

Grindvíski körfuknattleiksmaðurinn Arnór Tristan Helgason hefur samið við CB 1939 Canarias og er því á leiðinni til Tenerife.

„Spennandi tímar framundan hjá þessum unga manni!“ Þannig hefst færsla sem faðir hans, Helgi Jónas Guðfinnsson, skrifaði á Facebook í dag og tilkynnir að Arnór Tristan muni spila fyrir varaliðið CB 1939 Canarias í EBA-deildinni.

„Liðið verður aðeins skipað ungum og efnilegum leikmönnum (2005–2008) sem þeir telja eigi möguleik á að spila fyrir aðalliðið í náinni framtíð!“

Aðallið CB 1939 Canarias leikur í ACB-deildinni sem er ein sterkasta deild í heiminum og því er um afar spennandi tækifæri að ræða fyrir hann Arnór Tristan.