Spenna í nágrannarimmu

Í gærkvöldi fór fram leikur Njarðvíkinga og Keflvíkinga í Ljónagryfjunni í Reykjanesmótinu í körfubolta. Þar var á ferðinni spennandi leikur þar sem Keflvíkingar voru ávallt skrefinu á undan og höfðu að lokum 80-86 sigur.

Njarðvíkingar gerðu harða atlögu að gestum sínum á loksprettinum en Keflvíkingar stóðust áhlaupið. Elvar Friðriksson heldur áfram að heilla á undirbúningstímabilinu og gerði 11 stig í Njarðvíkurliðinu í kvöld en Travis Holmes var atkvæðamestur heimamanna.

Þá var Styrmir Gauti Fjeldsted grimmur hjá grænum en í liði Keflavíkur voru Jarryd Cole og Magnús Þór Gunnarsson fremstir í flokki við stigaskorunina en Keflvíkingar léku án Arnars Freys Jónssonar í kvöld.

karfan.is