Spænsk þrenna hjá Grindvíkingum

Grindvíkingar eru duglegir við að styrkja sig í fótboltanum en að undanförnu hafa þeir fengið tvo erlenda leikmenn til liðs við sig. Nú sömdu þeir við spænska framherjann Juan Manuel Ortiz, en hinn 29 ára gamli Juan Ortiz spilaði síðast með Socuéllamos í spænsku C-deildinni. Fótbolti.net greinir frá.

Í síðustu viku fengu Grindvíkingar svo spænska varnarmanninn Edu Cruz í sínar raðir en fyrir hjá félaginu er spænski miðjumaðurinn Rodrigo Gomes.