Slóvenskur framherji til Keflavíkur

Keflavík hefur samið við slóvenska leikmanninn Urban Oman um að leika í Subway deildinni á næstu leiktíð.

Oman er 24 ára gamall, 197 cm á hæð og leikur í stöðu framherja. Hann hefur leikið í slóvensku efstu deildinni undanfarin ár með Helios Suns en leggur nú land undir fót og klæðist Keflavíkurtreyjunni, segir á Facebook-síðu körfuknattleiksdeildar Keflavíkur.