Skýrist í dag hvaða lið leika til úrslita

Keflavíkurkonur tryggðu sér í gærkvöldi sæti í úrslitum Iceland Express deildar kvenna í körfuknattleik eftir góðan 91-76 sigur á Grindavík í Röstinni. Einvígi liðanna lauk því 3-1 Keflavík í vil og í dag skýrist hvort það verði Haukar eða ÍS sem mæta Keflavík í úrslitum.

 

Oddaleikur Hauka og ÍS fer fram að Ásvöllum í Hafnarfirði kl. 16:00 en bæði lið hafa unni tvo leiki til þessa og því þurfti að bregða til oddaleiks í dag. Haukar hafa ekki enn tapað leik á heimavelli í vetur ef frá er talin Evrópukeppnin sem liðið tók þátt í.

 

VF-mynd/ Jón Björn Ólafsson - [email protected]