Sindri Freyr bikarmeistari í kraftlyftingum

Massafólk gerði góða ferð norður á Akureyri um helgina þar sem bikarmót í kraftlyftingum var haldið. Njarðvíkingurinn Sindri Freyr Arnarson varð bikarmeistari í 74 kg. flokki. Hann jafnaði Íslandsmetið í hnébeygju 210 kg, sló sitt eigið Íslandsmet í bekkpressu, sem er 167,5 kg. og var svo nærri því að slá metið  í opnum flokk í réttstöðu. Hörður Birkisson frá Massa hafnaði í þriðja sæti í 74 kg. flokki en hann setti persónulegt met í hnébeygju eða 207,5 kg.

Ellert Björn Ómarsson frá Massa hafnaði svo í öðru sæti í 83 kg flokki en hann lyfti samtals 510 kg.

Alls fóru á annan tug Massafólk norður, keppendur og stuðningsmenn, og stóðu sig með mikilli prýði.

Hér má nálgast frekari útslit frá mótinu. Hér að neðan má sjá myndbönd frá mótinu.