Símun og Guðjón ekki með í kvöld
Símun Samuelsen verður ekki með Keflavíkurliðinu gegn Valsmönnum í kvöld en hann hefur verið valinn í færeyska landsliðshópinn. Færeyjar leika við Kýpur í Tóftum á miðvikudag og samkvæmt reglum FIFA verður Keflavík að hleypa Símun í leikinn tveimur dögum fyrr.
Henrik Larsen, landsliðsþjálfari Færeyja, hefur sýnt áhuga á því að nota Símun í næstu leikjum liðsins og virðist hann því vera að festa sig í sessi í landsliðinu.
Þá verður Guðjón Antoníusson í leikbanni í kvöld vegna fjögurra gulra spjalda í sumar.
