Simun fer frá Keflavík til Færeyja - „Áfall“ segir formaður Keflavíkur

Knattspyrnudeild Keflavíkur og Simun Samuelsen hafa komist að samkomulagi um að Simun fari frá Keflavík til heimalands síns Færeyja af persónulegum ástæðum og að ósk Simuns.
Þorsteinn Magnússon, formaður Knattspyrnudeildar sagði þetta mikið áfall því Simu hefði verið besti maður liðsins á síðasta ári auk þess sem hann væri mjög vel liðinn meðal leikmanna og áhagenda. Aðspurður um það hvort liðið myndi leita annars leikmanns í stað Færeyingsins játaði Þorsteinn því.

„Knattspyrnudeildin þakkar Simun kærlega fyrir þau tæp fimm ár sem hann hefur verið hjá Keflavik og við óskum honum alls hins besta á nýjum vettvangi,“ sagði Þorsteinn.