Silfur á Norðurlandamóti
Jón Oddur Sigurðsson sundmaður úr Njarðvík náði glæsilegum árangri á Norðurlandamóti unglinga í Noregi um sl. helgi. Hann náði öðru sæti í 50 m bringusundi á tímanum 30,17 og krækti þar í silfurverðlaun.
Hann hafnaði síðan í fimmta sæti í 200m bringusundi á tímanum 2,24,20 og fjórða sæti í 100m bringusundi á tímanum 1,05,84. Einnig náði hann níunda sæti í 50m skriðsundi sem var eins konar aukagrein á tímanum 24,99. Þessi árangur hans er frábær þegar horft er til þess að hann að hann er á yngra aldursári í þessari keppni en þarna keppa strákar á aldrinum 16–17 ára. Næsta ár lofar því góðu fyrir hann.
Í þessum keppnisgreinum þá bætti hann alla sína fyrri keppnistíma sem sýnir að hann var að toppa á réttum tíma og einbeiting hans í keppninni var í fullkomnu lagi. Með þessum árangri sínum í bringusundinu náði Jón Oddur sæti í A-landsliði Íslands, ásamt því að vera hársbreidd frá því að ná lágmarki fyrir Evrópumeistaramót unglinga.
Jón Oddur heldur aftur utan í janúar með afrekshóp sunddeildar Njarðvíkur. Þau munu keppa á sterku alþjóðlegu móti í Luxemborg og þá mun Jón Oddur gera atlögu að því að ná lágmarki fyrir Evrópumótið. Sannarlega sterkur afreksmaður þarna á ferðinni.
Hann hafnaði síðan í fimmta sæti í 200m bringusundi á tímanum 2,24,20 og fjórða sæti í 100m bringusundi á tímanum 1,05,84. Einnig náði hann níunda sæti í 50m skriðsundi sem var eins konar aukagrein á tímanum 24,99. Þessi árangur hans er frábær þegar horft er til þess að hann að hann er á yngra aldursári í þessari keppni en þarna keppa strákar á aldrinum 16–17 ára. Næsta ár lofar því góðu fyrir hann.
Í þessum keppnisgreinum þá bætti hann alla sína fyrri keppnistíma sem sýnir að hann var að toppa á réttum tíma og einbeiting hans í keppninni var í fullkomnu lagi. Með þessum árangri sínum í bringusundinu náði Jón Oddur sæti í A-landsliði Íslands, ásamt því að vera hársbreidd frá því að ná lágmarki fyrir Evrópumeistaramót unglinga.
Jón Oddur heldur aftur utan í janúar með afrekshóp sunddeildar Njarðvíkur. Þau munu keppa á sterku alþjóðlegu móti í Luxemborg og þá mun Jón Oddur gera atlögu að því að ná lágmarki fyrir Evrópumótið. Sannarlega sterkur afreksmaður þarna á ferðinni.
