Sigurður búinn að velja 12 manna hóp

Sigurður Ingimundarson, landsliðsþjálfari í körfuknattleik, hefur valið 12 manna hóp fyrir vináttuleikinn gegn Póllandi sem fer fram í DHL-höllinni í kvöld klukkan 20.

Helmingur liðsins eru Suðurnesjamenn, tveir frá Njarðvík, einn frá Grindavík og tveir Keflvíkingar ásamt Fannari Ólafssyni sem hefur lengst af leikið með Keflavík en er nú kominn á atvinnumannasamning hjá grísku liði.

Ísland og Pólland munu leika 3 leiki á næstu dögum, en næsti leikur er í Stykkishólmi á morgun og sá síðasti verður í Keflavík á sunnudaginn. Þessir leikir eru hluti af undirbúningi landsliðsins

Hópurinn er þannig skipaður:
Nafn                          Félag     A-leikir
Arnar Freyr Jónsson  Keflavík      3
Eiríkur Önundarson    ÍR              19
Fannar Ólafsson         Ase Dukas 40
Friðrik Stefánsson      Njarðvík    71
Helgi Magnússon       Catwaba    24
Hlynur Bæringsson     Snæfell       6
Lárus Jónsson            Hamar        2
Magnús Gunnarsson  Keflavík      15
Páll Kristinsson          Njarðvík     45
Páll Axel Vilbergsson Grindavík    41 fyrirliði
Pálmi Sigurgeirsson    Snæfell        6
Sigurður Þorvaldsson Snæfell       11