Sigur í Faxaflóamótinu

Kvennalið Keflavíkur bar sigurorð af FH í Faxaflóamóti KSÍ um helgina, 3-2.

FH komst tveimur mörkum yfir í fyrri hálfleik, en í þeim seinni tóku Keflvíkingar við sér. Ásdís Þorgilsdóttir minnkaði muninn fyrir Keflavík eftir hornspyrnu á 77. mín og Hildur Haraldsdóttir og Ágústa Jóna Heiðdal bættu við mörkum á lokakaflanum og tryggðu sigurinn.

Keflavík hefur unnið fyrstu tvo leiki sína í keppninni og mæta Stjörnunni og Breiðabliki á næstunni.