.jpg)
Sigur í endurkomu Loga
Grindvíkingar unnu eftir framlenginu
Njarðvíkingar unnu sigur gegn Þór Þorlákshöfn í Lengjubikar karla í körfubolta 95-87. Leikurinn var fyrsti leikur Loga Gunnarssonar í græna búningnum í langan tíma. Logi skoraði 14 stig í leiknum en Elvar Friðriksson leiddi Njarðvíkinga með 26 stig.
Njarðvíkingar leiddu allan fyrri hálfleik en í þriðja leikhluta vöknuðu gestirnir frá Þorlákshöfn til lífsins og komust yfir í stutta stund. Undir lokin gerðu Njarðvíkingar þó nóg til þess að landa sigri en ekki mátti miklu muna.
Nokkur fjöldi áhorfenda lagði leið sína í Ljónagryfjuna og hefur endurkoma Loga líklega haft þar nokkur áhrif.
.jpg&description=Sigur+%c3%ad+endurkomu+Loga){kind=link}