Sigur í átta marka leik
Theódór með þrennu í fyrsta leik
Njarðvíkingar gerðu góða ferð norður á Dalvík þar sem þeir báru sigurorð af heimamönnum, 2-6 í 2. deild karla í knattspyrnu um helgina. Heimamenn náðu þó forystu en Theódór Guðni Halldórsson, sem er nýkominn frá Keflvíkingum, jafnaði metin í sínum fyrsta leik með liðinu. Hann var svo aftur á ferðinni skömmu síðar en Árni Þór Ármannsson kom Njarðvíkingum í 1-3. Eftir annð mark frá heimamönnum skoraði Theódór sitt þriðja mark í leiknum og staðan því 2-4 í hálfleik.
Þeir Lukasz Malesa og Kristinn Björnsson bættu kremi á köku Njarðvíkinga í síðari hálfleik með tveimur mörkum og kærkomin þrjú stig í hús hjá Njarðvíkingum.
