Sigur hjá Reyni, jafnt hjá Víði

Víðir og Reynir eru í góðum málum eftir fyrri leiki sína í úrslitakeppni 3. deildar karla sem fóru fram í dag.

Reynir lagði Hvöt að velli á Blönduósi, 1-2, þar sem Ólafur Ívar Jónsson og Kristján Helgi Jóhannsson skoruðu fyrir Reyni í sitthvorum hálfleiknum. Þeir voru einum færri mestallan leikinn, en  Ara Gylfasyni var vísað af velli á 35. mínútu.

Víðismenn voru ekki alveg eins heppnir og gerður 1-1 jafntefli við Sindra á Höfn í Hornafirði. Möguleikar beggja liða hljóta þó að teljast nokkuð góðir fyrir heimaleikina sem fara fram á þriðjudag.

Mynd úr safni/HRÓS