Sigur hjá Keflavík í Eyjum

Keflvíkingar gerðu sér lítið fyrir og sigruðu ÍBV 1-2 á Hásteinsvelli í Vestmannaeyjum í 2. umferð Símadeildarinnar í dag. Heimamenn komust yfir á 10. mínútu en nokkrum mínútum fyrir leikhlé skoraði Þórarinn Kristjánsson fyrir Keflavík. Það var svo Guðmundur Steinarsson sem skoraði sigurmarkið 10 mínútum fyrir leikslok eftir um 40 metra sendingu frá Jóhanni Benediktssyni. Grindvíkingar gerðu jafntefli gegn Fram, 1-1, en það var Guðmundur Bjarnason sem skoraði mark Grindvíkinga á 3. mínútu.Keflvíkingar eru því með fjögur stig eftir tvo leiki en Grindvíkingar tvö.