Sigraði með yfirburðum í áskorendamótaröðinni
- í sínum flokki.
Í gær lauk fyrsta mótinu í áskorendamótaröðinni sem leikin var á Kálfatjarnarvelli á Vatnslaysuströnd. GS-ingurinn Kristján Jökull Marínósson stóð uppi sem sigurvegari í flokki 14 ára og yngri. Kristján Jökull, sem er 13 ára, sigraði með talsverðum yfirburðum, en hann átti sjö högg á næstu keppendur. Spilaði á 41-39 eða 80 höggum.
Annar GS-ingur, Tristan Arnar Beck, tók einnig þátt í mótinu og var það jafnframt hans fyrsta GSÍ mót, stórt skref stigið þar.
Frá þessu er greint á vefsíðu Golfklúbbs Suðurnesja.
Hér er viðtal sem Víkurfréttir tóku við unga og efnilega kylfinginn Kristján Jökul fyrir um ári.
