Sigmundur dæmir í Frakklandi
Sigmundur Már Herbertsson körfuknattleiksdómari fékk á dögunum verkefnum úthlutað frá FIBA Europe. Hann fer nú í næstu viku og dæmir tvo leiki í Frakklandi, einn í Euroeleague kvenna og annan í EuroCup karla.
Þriðjudaginn 18. desember dæmir hann leik Cholet Basket og Lokomotiv Rostov frá Rússlandi en sá leikur er í riðlakeppni EuroCup keppninnar, keppnin sem KR tók þátt í.
Daginn eftir dæmir Sigmundur svo leik Bourges Basket og ZVVZUBK Prague frá Tékklandi. Sá leikur er í Euroleague kvenna.
Meðdómarar Sigmundar í leikjunum verða þeir Mehmet Keseratar frá Tyrklandi og Ronny Denis frá Belgíu.
