Siggi Ingimundar áfram með Keflavík

Sigurður Ingimundarson mun þjálfa körfuknattleikslið Keflavíkur áfram, en samningur þess efnis var undiritaður á laugardag. Sigurður er einn sigursælasti þjálfari í sögu körfuknattleiks á Íslandi og þó að síðasta tímabil hafi verið nokkur vonbrigði fyrir Keflvíkinga segir á heimasíðu félagsins að mikill metnaður sé hjá stjórn, þjálfara og leikmönnum fyrir næsta ár.

 

Jón Norðdal Hafsteinsson, leikmaður liðsins, skrifaði einnig undir samning við liðið sem hann hefur leikið fyrir allan sinn feril.