Sara og Elvar í ham í háskólaboltanum

Suðurnesjafólkið okkar gerði það flott í bandaríska háskólakörfuboltanum um helgina.
Keflvíkingurinn Sara Rún Hinriksdóttir var stigahæst með 17 stig og 7 fráköst á 31 mínútu í sigri Canisisus skólans sem batt enda á fjögurra leikja taphrinu sína. Njarðvíkingurinn Elvar Már Friðriksson skoraði 19 stig og bætti við 9 stoðsendingum í tapi eftir framlengdan leik gegn Saint Leo skólanum. Félagi hans úr Njarðvík Kristinn Pálsson kom af bekknum í ósigri Marist skólans og gerði 3 stig á 20 mínútum.

Grindvíkingurinn Jón Axel Guðmundsson var stigalaus þegar lið hans í Davidson skólanum tapaði stórt fyrir Charleston.