Sá sögulegan leik gegn Portúgal á EM

Fótboltasnillingur vikunnar er hinn 12 ára gamli Njarðvíkingur Erlendur Guðnason. Íslenski landsliðsmaðurinn Gylfi Þór Sigurðsson er fyrirmynd Erlends og ætlar hann líkt og Gylfi að verða atvinnumaður í boltanum. Erlendur er greinilega duglegur að æfa tæknina því hann getur haldið boltanum 220 sinnum á lofti.

Hvað hefur þú æft fótbolta lengi?
Ég hef æft fótbolta með Njarðvík frá 5 ára aldri.

Hvaða stöðu spilar þú?
Ég spila oftast á miðjunni.

Hvert er markmið þitt í fótbolta?
Að verða atvinnumaður í fótbolta.        

Hversu oft æfir þú á viku?
Fjórum sinnum í viku.

Hver er þinn eftirlætis fótboltamaður/kona?
Gylfi Þór Sigurðsson.

Áttu þér einhverja fyrirmynd í boltanum?
Já, Gylfa Þór Sigurðsson.

Hefurðu farið á fótboltaleik erlendis?
Já, Bröndby gegn OB í Danmörku og svo mun ég sá ég tvo leiki á EM í Frakklandi, Ítalía-Belgía og Ísland-Portúgal.

Hversu oft getur þú haldið á lofti?
220 sinnum.

Hvaða erlenda félag heldur þú upp á?
Manchester United.