Reynissigur í lokaleik

Reynir sigraði Bolungarvík, 5-0, í B-riðli 3. deildar karla í knattspyrnu en leikurinn fór fram í Sandgerði. Mörk Reynis í leiknum skoruðu Ari Gylfason, Smári Guðmundsson,
Pálmar Guðmundsson, Eysteinn Már Guðvarðarson og
Marteinn Guðjónsson. Var þetta síðasti leikurinn í B-riðlinum og nú bara úrslitakeppnin eftir.
Reynir endaði í efsta sæti í riðlinum með 32 stig en þess má geta að þeir töpuðu ekki leik í riðlakeppninni.