Reynismenn skelltu toppliðinu

Reynismenn unni glæsilegan 3-0 sigur gegn toppliði KV í 2. deild karla í gær. Leikurinn fór fram á heimavelli Sandgerðinga.

Gunnar Wigeleund skoraði strax á þriðju mínútu og kom heimamönnum yfir. KV menn voru töluvert með boltann í fyrri hálfleik en Reynismenn voru hættulegir í sóknaraðgerðum sínum og hefðu hæglega getað bætt við mörkum.

Mörkin komu í seinni hálfleik en það var Magnús Ríkarðsson sem skoraði eftir rúmlega klukkutímaleik og kom Sandgerðingum í 2-0. Jóhann Magni Jóhannsson skoraði svo í uppbótartíma úr vítaspyrnu og gulltryggði sigurinn.

Eftir leikinn eru Sandgerðingar enn við botn deildarinnar en þó þægilega frá fallsætunum, en liðið er í 9. sæti.

Jóhann Magni skoraði úr vítaspyrnu.

Sigurður Gunnar Sævarsson á ferð upp vænginn.