Reynismenn hita upp á Mamma Mía fyrir úrslitin

Reynismenn leika sinn fyrsta leik í úrslitakeppni 3. deildar í ár gegn
Leikni Fáskrúðsfirði laugardaginn 24. ágúst n.k. Leikið er á
Fáskrúðsfjarðarvelli og verður flautað til leiks kl. 16:00 en búast má við hörkuleik en Reynismenn ættu þó að hafa þetta.

Leikmenn Reynis hafa ákveðið að bjóða stuðningsmönnum til upphitunar fyrir úrslitakeppnina á Mamma Mía í kvöld kl. 21:00. Farið verður yfir gang mála í sumar, skoðaðar upptökur af leikjum og spáð í hlutinu. Elvar Grétarsson þjálfari og Gunnar Davíð Gunnarsson fyrirliði munu sitja fyrir svörum í umræðum. Reynismenn eru hvattir til að mæta á Mamma Mía og stilla saman strengina fyrir harða úrslitarimmu.