Reynir Sandgerði með sigur í Mjólkurbikarnum

Reynir Sandgerði mætti Berserkjum í gærkvöldi í Bikarkeppni KSÍ í knattspyrnu, Mjólkurbikarnum og sigraði liðið 1-5.

Markaskorarar leiksins voru, Strahinja Pajic, með tvö mörk, Guðmundur Gísli Gunnarsson, Óðinn Jóhannsson og Max Grammel.

„Liðið lék með sorgarbönd til minningar um heiðursfélaga Reynisfélagsins, Marel Andrésson, sem lést síðastliðinn þriðjudag. Malli var gegnheill og harður Reynismaður sem verður sárt saknað og sigur kvöldsins er að sjálfsögðu tileinkaður minningu hans.“ Segir í færslu á Facebook síðu knattspyrnufélags Reynis.