Reynir kemst ekki í úslit

K.F.S. tryggði sér sæti í úrslitum 3. deildar karla þrátt fyrir tap á móti
Reyni. Liðin eru jöfn að stigum í 2 og 3 sæti, en Vestmannaeyjaliðið kemst áfram á betra markahlutfalli.
K.F.S. byrjaði leikinn af krafti, en Reynisliðið komst þó inn í hann þegar
leið á fyrri hálfleikinn. Vestmannaeyingarnir náðu þó að skora á 35. mín
þegar Magnús Steindórsson náði að koma knettinum í markið hjá Ólafi Viggó
Sigurðssyni. Sandgerðingar mótmæltu þó markinu kröftulega þar sem Magnús
virtist leggja boltann fyrir sig með hendinni. Reynismenn tóku öll völd á
vellinum eftir markið og Marteinn Guðjónsson jafnaði metin tveimur mínútum
seinna.
Í seinni hálfleik sótti Reynir stanslaust og komst K.F.S. vart yfir miðju.
Reynismenn náðu þó ekki að nýta sér þau fjöldamörgu færi sem gáfust fyrr en
tveimur mínútum fyrir leikslok. Þá náði Ari Gylfason að renna boltanum í
hornið hjá Papa Ndaw í marki K.F.S. Það mark kom of seint fyrir Reynismenn.
Þeir unnu leikinn, en vantaði tvö mörk til viðbótar til að komast upp fyrir
K.F.S.
Þess má geta að leikurinn tafðist um 50 mínútur þar sem dómari leiksins
mætti of seint.