Reykjanesbæjarslagur
Það verður alvöru Reykjanesbæjarslagur á Keflavíkurvelli á sunnudag þegar Keflavík og Njarðvík mætast í 8. umferð 1. deildar karla í knattspyrnu. Ekki eru mörg ár síðan það var nánast óhugsandi að þessi lið myndu leika innbyrðis í sömu deild. Það er nú orðið að veruleika eftir mikinn uppgang Njarðvíkinga undanfarin tvö ár og má búast við skemmtilegum leik.
Leikurinn hefst kl. 20.00 og er frítt inn fyrir alla þá er ná sér í miða hjá SG-bílum milli kl. 14.00 - 17.00 föstudaginn 4. júlí!„Ætlum að sýna og sanna að við erum betra liðið í bænum“
„Leikurinn leggst gríðarlega vel í mig enda er um stórleik að ræða. Leikurinn hefur tvöfalt gildi fyrir okkur sem og bæjarbúa og það gerir hann enn meira spennandi. Við ætlum okkur að sýna og sanna það að við erum betra liðið í bæjarfélaginu, það kemur ekkert annað til greina“, sagði Hólmar Örn Rúnarsson miðjumaðurinn knái í Keflavíkurliðinu aðspurður hvernig Reykjanesbæjarslagurinn legðist í hann. Hólmar eða Bói eins og hann er gjarnan kallaður sagði að Keflavíkurliðið færi í þennan leik eins og alla aðra leiki, með sigur í huga. „Ég býst við því að þetta verði eins og hver annar leikur. Þó má kannski búast við meiri hörku en það þó er erfitt að segja“.
Bói sagðist vera ágætlega sáttur með spilamennsku liðsins það sem af er sumri en sagði þó að liðið ætti töluvert inni sóknarlega. Aðspurður um eigin frammistöðu sagðist hann ánægður að hluta til. „Ég er þokkalega sáttur en það er alltaf hægt að gera betur. Leikstíll liðsins hentar mér vel og það er ástæðan fyrir því að ég hef verið að setja hann í sumar“
„Þetta verður frábær skemmtun“
Högni Þórðarson, sóknarmaður Njarðvíkinga hefur leikið vel það sem af er tímabilinu. Hann er markahæstur Njarðvíkinga með þrjú mörk. Högni sagði í samtali við Víkurfréttir vera farinn að hlakka til að spila við Keflavík. „Leikurinn leggst mjög vel í mig, sem og aðra leikmenn. Það hefur verið frekar lítil uppskera í síðustu leikjum okkar, þannig að við ætlum okkur þrjú stig í þessum leik. Að sjálfsögðu eru menn alltaf spenntir fyrir leiki. Þar sem þetta er „derby“ slagur þá getur maður ekki neitað því að um aðeins meiri spennu er að ræða heldur en venjulega. Þá væntanlega tala ég fyrir hönd stuðningsmanna líka“. Högni sagðist búast við hörkuleik þar sem bæði lið vildu eflaust sanna sig í þessum leik og því yrði eflaust barátta frá upphafi til enda. „Þar sem þessi lið munu leika sinn fyrsta nágrannaslag í sögu deildakeppninnar þá trúi ég ekki öðru en að það myndist stemning í bænum. Þetta verður frábær skemmtun og hvet ég alla til að mæta og styðja sitt lið til sigurs“.
Hvað þurfi þið að varast hjá Keflavík?
„Þeir eru með góða leikmenn í öllum stöðum og því munu samskipti inni á vellinum og liðsheildin skipta miklu máli. Mikill hraði einkennir einnig þeirra leik og þeir eru mjög ógnandi sóknarlega. Þetta verður verðugt verkefni fyrir bæði lið“.
Högni sagðist svona þokkalega sáttur við frammistöðu liðsins í sumar og einnig sína frammistöðu. „Ýmislegt hefur betur mátt fara en þannig er nú fótboltinn. Þar sem við erum frekar ókunnugir efri deildunum þá skiptir hver leikur okkur miklu máli, bæði til að festa okkur í sessi og til að veita liðinu reynslu fyrir næsta leik á eftir“.
Leikurinn hefst kl. 20.00 og er frítt inn fyrir alla þá er ná sér í miða hjá SG-bílum milli kl. 14.00 - 17.00 föstudaginn 4. júlí!„Ætlum að sýna og sanna að við erum betra liðið í bænum“
„Leikurinn leggst gríðarlega vel í mig enda er um stórleik að ræða. Leikurinn hefur tvöfalt gildi fyrir okkur sem og bæjarbúa og það gerir hann enn meira spennandi. Við ætlum okkur að sýna og sanna það að við erum betra liðið í bæjarfélaginu, það kemur ekkert annað til greina“, sagði Hólmar Örn Rúnarsson miðjumaðurinn knái í Keflavíkurliðinu aðspurður hvernig Reykjanesbæjarslagurinn legðist í hann. Hólmar eða Bói eins og hann er gjarnan kallaður sagði að Keflavíkurliðið færi í þennan leik eins og alla aðra leiki, með sigur í huga. „Ég býst við því að þetta verði eins og hver annar leikur. Þó má kannski búast við meiri hörku en það þó er erfitt að segja“.
Bói sagðist vera ágætlega sáttur með spilamennsku liðsins það sem af er sumri en sagði þó að liðið ætti töluvert inni sóknarlega. Aðspurður um eigin frammistöðu sagðist hann ánægður að hluta til. „Ég er þokkalega sáttur en það er alltaf hægt að gera betur. Leikstíll liðsins hentar mér vel og það er ástæðan fyrir því að ég hef verið að setja hann í sumar“
„Þetta verður frábær skemmtun“
Högni Þórðarson, sóknarmaður Njarðvíkinga hefur leikið vel það sem af er tímabilinu. Hann er markahæstur Njarðvíkinga með þrjú mörk. Högni sagði í samtali við Víkurfréttir vera farinn að hlakka til að spila við Keflavík. „Leikurinn leggst mjög vel í mig, sem og aðra leikmenn. Það hefur verið frekar lítil uppskera í síðustu leikjum okkar, þannig að við ætlum okkur þrjú stig í þessum leik. Að sjálfsögðu eru menn alltaf spenntir fyrir leiki. Þar sem þetta er „derby“ slagur þá getur maður ekki neitað því að um aðeins meiri spennu er að ræða heldur en venjulega. Þá væntanlega tala ég fyrir hönd stuðningsmanna líka“. Högni sagðist búast við hörkuleik þar sem bæði lið vildu eflaust sanna sig í þessum leik og því yrði eflaust barátta frá upphafi til enda. „Þar sem þessi lið munu leika sinn fyrsta nágrannaslag í sögu deildakeppninnar þá trúi ég ekki öðru en að það myndist stemning í bænum. Þetta verður frábær skemmtun og hvet ég alla til að mæta og styðja sitt lið til sigurs“.
Hvað þurfi þið að varast hjá Keflavík?
„Þeir eru með góða leikmenn í öllum stöðum og því munu samskipti inni á vellinum og liðsheildin skipta miklu máli. Mikill hraði einkennir einnig þeirra leik og þeir eru mjög ógnandi sóknarlega. Þetta verður verðugt verkefni fyrir bæði lið“.
Högni sagðist svona þokkalega sáttur við frammistöðu liðsins í sumar og einnig sína frammistöðu. „Ýmislegt hefur betur mátt fara en þannig er nú fótboltinn. Þar sem við erum frekar ókunnugir efri deildunum þá skiptir hver leikur okkur miklu máli, bæði til að festa okkur í sessi og til að veita liðinu reynslu fyrir næsta leik á eftir“.
