Rétta Grindvíkingar úr kútnum?

Tvö Suðurnesjalið eiga leik í Lengjubikarnum í dag í knattspyrnu. Grindvíkingar mæta KA í Boganum á Akureyri og freista þess að snúa við blaðinu í Lengjubikarnum eftir fremur dræmt gegni að undanförnu. Grindavík hefur tapað þremur fyrstu leikjum sínum í Lengjubikarnum og hafa fengið á sig 11 mörk en ekki tekist að skora. Leikur Grindavíkur og KA hefst kl. 16:00 í Boganum.

 

Víðismenn mæta Selfyssingum í Lengjubikarnum í dag kl. 15:00 og fer leikurinn fram í Reykjaneshöllinni og verður þetta þeirra fyrsti leikur í keppninni.