Ragnheiður Sara vann í Dubai
Ragnheiður Sara Sigmundsdóttir sigraði í kvennaflokki á Crossfit-leikunum Dubai Fitness Championship en þeim lauk í gær.
Njarðvíkingurinn náði forystu á fyrsta degi og hélt 50 stiga forskoti á næsta keppanda, Samönthu Briggs, alla dagana. Matareitrun kom ekki í veg fyrir að Ragnheiður kláraði dæmið og sigraði. Hún sagði í samtali við mbl.is vera ótrúlega stolt af árangrinum og hefði ekki búist við að halda titilinum eftir veikindin síðustu nóttina.
Annie Mist Þórðardóttir, sem í tvígang hefur orðið heimsmeistari í Crossfit, varð í þriðja sæti og Björgvin Guðmundsson var efstur íslensku karlanna, í 7. sæti.
