Ragnar Þór og Rafal Stefán áfram í Vogum
Knattspyrnudeild Þróttar Vogum hefur endursamið við þá Rafal Stefán Daníelsson og Ragnar Þór Gunnarsson.
Rafal, sem er nítján ára markvörður, var á láni frá Fram í sumar og stóð sig frábærlega með Þrótturum. Hann hóf sinn meistaraflokksferil með Fram og hefur verið valinn í úrtakshópa fyrir yngri landslið Íslands og auk þess farið utan til reynslu og æfinga hjá unglingaliðum ensku stórliðanna Liverpool og Everton.
Ragnar Þór mun leika sitt fjórða tímabil með Þrótti í 2. deild á næsta ári. Ragnar hefur leikið fyrir Tindastól í 2. deildinni en hann á einnig leiki að baki í Pepsi-deildinni með Val og í 1. deildinni með Selfossi.
